قصة عن انمي مضحكة 2

تشافت ساكورا وطلعوها من المستشفى..
في المدرسه واجتماع بين المدرسين واللي أقام الاجتماع المدير
المدير:صراحة الطلاب ملوا لازم نفرحهم بشي عطونا اقتراحاتكم
كاكاشي:أنا من رايي انا احنا نسوي لهم حفل
ايروكا:لا هذا قليل بحقهم المفروض نعطيهم اجازه شهر يغيبون على كيفهم
جيراياساما(المستخدم):أقول لذا ولذا نسوي لهم رحله
تسونادي بطنازه:على وين ؟؟
جيرايا ساما:أي مكان............ولا أقولكم خلاص نوديهم الشاليهات
تسونادي:من صدقك
جيرايا ساما بثقه:أي
المدير: صح كلامك يستاهلون الطلاب صراحه اهم يتعبون طول السنه ولازم نروح عن نفسهم شوي ولامو عدل كلامي ياهوكاجيه
المديره(هوكاجيه):الاعدل ونصف الصراحه يستاهلون
تسونادي وهي تتحلطم:ذبحتونا انتو مع صراحتكم
المدير:الحين من بوديهم الرحله
جيرايا ساما بصوت عالي: أنا
المدير: ماتقصر ياعلك تسلم

في اليوم الثاني قالوا للطلاب عن الرحله والكل مستانس (ماينلامون)
البنات يلولشون :كللووووووووووووووووش كللوووووش
الأولاد: ينقزون على كل الطاولات ووووووووو

بس
بقى شي نسوه الطلاب
شنو
لازم موافقه من ولي الأمر

..............................................
في بيت قارا:

بعد الغدى باس قارا راس ابوه
قارا لأبوه:أبوي قل تم
أبوه:ليش يابوك
قارا:بابا قل تم وبس
أبوه:تم عشان خاطرك
قارا:بابا ابي موافقه عشان المدرسه بودونا رحله
أبوه معصب:الحين أنا مارضيت لاختك واخوك تروح انت يالنونو يالزغير
قارا:بابا انت قلت تم
أبوه:أووووووووه صح نسيت ابشر بالخير ياولدي انت واخوانك بتروحون ولاتنسون تجهزون أغراضكم
....................................
كل الطلاب حصلوا على موافقه أولياء أمورهم وتن تن مارضوا أهلها بس المدير كلم ابوها وبالمممموت اقتنع

قبل الرحله بخمس كل الطلاب تجهزوا وشناطهم أعوذبالله شناط سفرشكبرها وين يحطونها في الباص مافي مكان
.........................................

الطلاب متشوقين للرحله ويجيهم جيرايا ساما بالباص
جيرايا ساما:مشينا ياعيال مشينا

ركبوا الباص ومشى الساعه8الصباح بالضبط
في عفسة الباص:
شلة البنات كلها ورى آخر شي ومعهم ان ان وناروتو بعد-
وساسكي ورى جيراياساما بالضبط وجمب النافذه وجمبه شيكامارو- ونيجي قاعد بروحه في المقاعد الثانيه ويشرب ببسي وياكل برينقلز الحار-وقارا وكانكرو في مكان واحد بعد ماتهاوشوا على النافذه آخر شي جلس شينوجمب النافذه(داخل عرض)ونام-قارا وكانكرو يلعبون جماد حيوان- وشوجي راز روحه قدام وطاح سوالف مع جيرايا(راعي الباص)..............

................
في عفسة البنات:
ان ان قاعده تطلع صواريخ(أكاذيب) من فمها شوفوا شقالت:
(ورتهم خاتم لابسته) وقالت لهم:
أنا مكتوبه(مخطوبه)وهاذي الدوبله(الدبله)
البنات:من خطيبج
ان ان:ساسكي
ساكورا: متى سويتوا الخطوبه والملكه
ان ان: أمس
ساكورا وتكذب عليها:أمس انا مع ساسكي طول اليوم رايحين جايين على مطعم ومجمع شلون تقولين أمس
ان ان بارتباك:ها لا في سوي ملكه وكتوبه آكر(اخر) الليل قبل الفجر
كل البنات:اممممممممم كذا السالفه أجل
(ان ان جايبه لهم خاتم كذبي لعبه )
اينووتسوي روحها انها تصيح:لا لا مااصدق....... ساسكي مايخون مايخون
ساكورا:وانتي مصدقه يالغبيه
اينو:أدري بس ابي ساسكي يتحرك ويواسيني ويراضيني
ساكورا تحمدت عليها وراحت

المهم
صارت سوالف بين البنات وناروتو وهيناتا تكلمت أخيرا وسولفت عن عمتها هدى
-انتبهت ان ان على نيجي وهو ياكل واشتهت تشرب الببسي الي عنده وراحت له
وسحبت الببسي منه بقوه وقالت:
هادا مافي زين مودر(مضر)
والغبيه اشربته هي كله
نيجي:ييييييييييع عقبي
ان ان:اسل اسل(عسل عسل)
نيجي: تبين شي ترى ماراح أعطيج شي روحي عني
ان ان:طيب
وراحت ورجعت مره ثانيه لنيحي:
نيجي:نعم خير شتبين
ان ان:تقرب لك هدى هيوغا
نيجي:أي عمتي شدراج فيها:
ا ن ان:سلملي عليها وبوس راسها عشر مرات وقولها ان ان تسلم عليس سلام كثير
نيجي:انتي تعرفينها
ان ان: لا بس سمعت هيناتا تسولف عنها وانا مافي يأرف(يعرف) عنها شي
نيجي تحمد عليها وقال لها:طيب روحي يوصل يوصل
ان ان :تيب(طيب)

في عفسة البنات وهم واقفين كل وحده تسوي حركه وتصورها ساكورا بجوالها اللي بوكاميرا
جات ان ان وقالت لساكورا:صوريني
ساكورا:لاأخاف يجي جوالي فايروس وبعدين ما اشتهي اشوفه لأن صورتج فيه
ان ان بقهر:بل فلوس انتا وازد(واجد) اشتر زوال(جوال) ثاني
ساكورا:يمه عينج حاره تفلي على جوالي شوي شوي عشان ماتنظلينه
ان ان ماقصرت تفلت لين قالت بس لين طفى الجوال واخترب

ساكورا: عفستي جوالي دفعي فلوسه
ان ان:مااندي فلوس

يمر جمبهم باص بنات ويسوي جيرايا ساما سباق من الأسرع هو ولاراعي باص البنات
المهم
سرع جيرايا سرعه مفاجأة كل البنات الواقفين طاحوا
المسكينه هيناتا طاحت على نيجي ويكزها بقوه:بعدي عني
ساكورا واينو طاحوا على بعض وكل وحده تحسب انها طاحت على ساسكي ومستانسه وبعدين فتحوا عيونهم وشافوا بعض كل وحده كزت الثانيه و طاحوا ثنتينهم على الأرض
تيماري طاحت ومسكوها اثنين فرحت تحسب ان اثنين يحبونها يوم فتحت عينها شافت خوانها(قارا وكانكرو)
تيماري:ياحظي مين قالكم مسكوني انا ابي اللي في بالي يمسكني مو انتو
قارا:لاتنسين أن انتي في ذمتنا واحنا مسؤولين عنج يا أختي
كانكرو:بعد عيني عينك من ذا اللي في بالج هاه
تيماري:أقول عن الغلط عاد مين اللي يكلم البنات أنصاف الليول هاه مين اللي في بيتنا متعرف على بنات أكثر هاه
كانكرو يسحب تيماري بقوه ويكلمها بأذنها:اصصصصصصصص ماأبي قارا يعرف ولاتفضحيني قدام العالم
قارا:اقول لاتعب روحك تراني أدري
كانكرو:من علمك ياقارا انتي ياأختي
قارا:لا بس لاتنسى اني معك في نفس الغرفه يالذكي
وتن تن طاحت على روكلي بعدين كزها روكلي وقال لها:روحي لاتفرحين ترى أحسبج ساكورا
وان ان ماتنزل أحد ينقذها ويمسكها
...............................
الكل واقف وفرحان كأنهم في قطار الموت جيرايا يسرع بقوه
وفجأه وقف وطاحوا كللهم
ليش: مر ضب قدامه وخله يمشي على راحته

المهم

تموا مده وهم يمشون في الباص ومايوقفون الا في المحطات
مشوا لين الساعه 8الليل يعني 12ساعه وهم يمشون
وقفوا عند البران والمكان مظلم
جيرايا:بنستريح هنا شوي وبعدين بنكمل الطريق
شاف جيرايا بيت شعر جلس فيه هو مع شوجي ( طايح سوالف معاه طلع من معارفهم)
عطى جيرايا الخيام للطلاب وقال لهم ينصبونها
قارا وتيماري وكانكرو في خيمه وحده وان ان مع ناروتو(مسكين) وباقي البنات في خيمه وحده
في خيمة تيماري واخوانها طلعوا من شنطتهم لقيمات وورق عنب وصحن حلى وبدوا ياكلون وتوه شينو يبي يدخل عليهم الا قال قارا"لالاتدخل في بنت
كانكرو:واذا يعني شبصير
شينو:خلوني ادخل يمكن أكون محرم لأختكم يوماما
كانكرو قارا عصبوا عليه(مايرضون على أختهم):ياللي ماتستحي وقدامنا بعد واذا صارت بروحها شتقول لها ها
شينو:الراي رايها موانتو
تيماري:مرفوض مرفوض
عزم روحه وقعد معهم وقعد يسألهم أسئله خاصه عنهم وعن حياتهم
شينو لقارا:شسم امك
قارا:عيب احنا مانعلم عن اسماء بناتنا
شينو لكانكرو:شسمها
كانكرو:بشاير
قارا:ليش علمت
كانكرو:عادي مافيها شي
(لوتلاحظون ان قارا مايقول اسم أخته يقول أختي مع ان الكل يعرف اسمها)
...................................
في خيمة ان ان وناروتو:
ان ان تهذر على راس ناروتو
بربربربربربربربربربربربربربربربربربربربربربربر
قرقرقرقرقرقرقرقرقرقرقرقرقررقرقرقرقرقرقرقرقر
ناروتو:خلاااااااااااص سكتي راسي رااااااسي خلاص أبي أنام
ان ان:لحظه شوي بس باقي شوي
وتهذر على راسه مده(أي شوي) ولاقدر المسكين ينام
.....................................
في خيمة البنات(ساكورا-تن تن-هيناتا-اينو)
هيناتا كله تسولف عن عمتها هدى............
ساكورا:خلاص ذبحتينا كله عمتي وعمتي عمتي أحلى من عمتج مااحبها أكرها وحنا في الروضه كله تهاوشنا على أي سبب واذا ماقلمنا أظافيرنا تضربنا بالمسطره مانرجع البيت الاأيادينا حممر
هيناتا ببراءه:بس هي ماتهاوشني
كل البنات:لأنها عمتج
هيناتا مسكينه ماقدرت تستحمل واغمى عليها مره وحده
الكل:أحسن
تن تن:تصدقون أحس اني فرحااااانه كثير
الكل:ليش
تن تن:لأن أكثر وحد بين البنات دمها ثقيل مومعنا
اينو وساكورا: صاااااااااااادقه(يقصدون ان ان)
...........................
في خيمة الأولاد:
بعضهم يلعبون شطرنج وبعضهم يلعبون لعبة موني بولي

الكل بينام الا ناروتو مازالت ان ان تهذر على راسه

في خيمة تيماري واخوانها وهم نايمين اتصلت امهم(بشاير):
(ياها ردوا ياناس ردو ياعالم ردوا عندكم مكالمه ردوا)(نغمة جوال تيماري)
تيماري كانت نايمه وقعدتها امها من النوم
تيماري وهي تتثاوب:هلا يمه
امها:شخبارج وشخبارخوانج
تيماري: زينين
امها:سمعيني لاتنامين قبل خوانج وتاكدي انهم نايمين ولحفيهم زين عن البرد ولبسيهم سراويل عشان مايبردون وقعدي قبلهم وفطريهم وسبحيهم وانتبهي دفي الماي لهم لايصير بارد وجربيه قبل ماتسبحينهم
تيماري:خلصتي
امها: أي المهم قارا نايم
تيماري:أي ويشاخر بعد
امها:سمعيني صوته
وتحط تيماري الجوال جمب قارا عشان تسمعه امها:
خخخخخخخخخخخخخخ شششششششششششششش

امها:ياحبيبي عمري يسلم قلبهم حياتي امي فديته يهبل نوم العوافي
تيماري:امي تبين شي
امها:لا سلامة قارا(ماقالت سلامتج)
وسكرت والتفت تيماري على قارا وهي في خاطرها:نوم الكوابيس ان شالله

مع جيرايا وشوجي
شوجي طلعت أمه سوريه واسمها أميره
وسوالف وسوالف.......................

المهم
جات الساعه 12 بالليل وليلحين ان ان تهذر على ناروتو
جيرايا قومهم من النوم:مشينا مشينا ماباقي شي ونوصل الشاليهات ياعيال كلها ساعه ولاساعتين ونوصل

قاموا وهم ميتين من النوم
الباص مظلم في الليل مافي أي صوت أوهمس مافي الاصوت جوال تيماري صوته عاااااااااالي والمتصل أمها عشان تطمن على قاراوجوالها اخترب كله على المايك ويسمعون كل شي ومسكينه تيماري كل ماجاها النوم اتصلت أمها وقعدتها ولافي أحد قاعد الاقارا يلعب قيم بوي وكانكرو مافيه النوم وشيكامارو ملاااااااان حده وده بأحد ينكت عليه وشوجي جالس مع جيرايا مع سوالفهم لأنه كان زوج لأمه يوم من الأيام قبل مايتزوجها ابو شوجي ..................

الباص هادي ............
قفلت تيماري جوالها –كمل شحن القيم بوي-ان ان نايمه

يقطع هالهمس
صوت روكلي.
روكلي:يوووووووووووووووووو
الجميع ومرتاعين: شفيك
جيرايا:لايكون نسيت شي في البر ياولدي
روكلي:نسيت جوازي
الكل تجاهله وتركه
ساكورا:روكلي احنا بنروح الشاليهات مو رايحين دوله ثانيه
بعدين نامت........ وشعرها جاي على وجهها صار شكلها يهبل
روكلي راح فيها وتحسف انه نقص عليهم أحلام سعيده
الكل نام الا جيرايا حتى شوجي نام
المكان هادي وفي الليل بس محد نغص عليهم نومتهم الا ان ان لأنها تطلع صوت من اسنانها ولا بعد وصوت عالي
وتموااااااااااا يمشون

في الصباح الساعه 8
قعدهم جيرايا:قوموا ياعيال قوموا بنوصل الشاليهات احنا في الشوارع العامه
فتحوا عيونهم ..........يوزعون ابتسامات وهم مايدرون فرحانين اهم في الشوارع العامه
وعشان يدل جيرايا الشاليهات ..........
في الاشاره فتح جيرايا النافذه وسأل واحد اهبل كل ماقال جيرايا كلمه مااااااااات من الضحك
المهم:
جيرايا:لوسمحت وين الشاليهات
قام يضحك هالولد مبين عليه انه شاب طايش
الشاب:أي شاليهات الرياض مافيها شاليهات
جيرايا:ليش احنا مش في كونوها
التفت الشاب على صديقه اللي معاه في السياره وقال
:ههههههههههههه يقول كونوها
الشاب: أي كونوها أي خرابيط احنا في الرياض
..ومشى الشاب الطايش وترك جيرايا بحيره شلون وصلنا الرياض؟؟؟
(طول هالمسافه راحوا الرياض وهم مايدرون)
اينو:يمه أبي امي ابي ابوي اهئ
جيرايا:مومشكله يابنتي ترى يمدحون الرياض وشوارعها
شوجي:أي صح يمدحون المطاعم اللي فيها

ارتاحوا شوي وزال الخوف عنهم بعد ماطمنهم جيرايا

في الباص الجو حلو الصباح طلع والكل يضحك وكل يقول نكته ويموتون من الضحك وجيرايا فرحان لأن فرحهم(على قد نياته)

كانكرو لتيماري:ترى عرفت من اللي في بالج
تيماري:اتحداك مين
كانكرو:أولا دريت لأنج تكلمتي وانتي نايمه وكل شوي قلتي اسمه
تيماري:قول مين
كانكرو:شيكامارو
تيماري:اخس انتي ذكي بالفطره
كانكرو:انتبهي حطي لج الحين بودره في خدودج عشان نوهم الناس انج مستحيه
......
راح كانكرو لشيكامارو:
كانكرو:اقول شنو مواصفات فارسة الأحلام
شيكامارو:ملك دخل
كانكرو:ان شاالله أصير خال لعيالك يوم من الأيام
شيكامارو:نعم لايبى مابيها أختك كلش جافه مافيها ذرة أنوثه
كانكرو:أفاااااااااا ماهقيتها منك
شيكامارو:كيفك
*راح كانكرو وقال لأخته وقال لها عن كل اللي صار.......
غريبه استغربوا حتى اخوانها ...تيماري تصيح؟؟؟
قاموا يراضونها خوانها......
قارا:خلاص ياأختي في كثير أحسن منه وهذا مايستاهلج
كانكرو:صادق الخطاب كسروا الباب من كثر ماتنخطبين ياتموره
وصاااااااحت زياده عليهم
............................
جيرايا:أقول ياعيال شرايكم ننزل في فندق
الكل:أي ..........(متحمسين)
راحوا عند فندق(.........)
وهم بينزلون
تقابل كانكرو شيكامارو عند الباب وهم يفتحونه
كانكرو:تفضل يالنسيب
شيكامارو:واثق اني بصير نسيبك يوم من الأيام
كانكرو:أكيييد

نزلت تيماري وجهها منتفخ وأحمممممر من الصياح

كانكرو لشيكامارو:هاذي الي تقول مافيها ذرة أنوثه واللي تشوفه شنو؟
التفت شيكامارو على تيماري ويشوفها تصيح وقارا يمسح دموعها ويراضيها
قارا:بس ياأختي مافي شي يستحمل حق الزعل ترى كل ماقلتي آاه يتقطع قلبي أكثر خلاص ياأختي خلااااااص

التفتت تيماري على شيكامارو طاحت عينها في عينه وكل واحد منهم التفت على الجهه الثانيه.......

وهم في الفندق
أجر لهم جيرايا غرفه فيها 3أسره وحمام(ماقصر بفلوسه) بعدين كل الأسره (جمع سرير) خلوها جمب بعض عشان الكل ياخذ راحته
الا جيرايا نام على الأرض..........
وهم على السرير البنات كلهم جمب بعض وكلهم يسولفون وهم يناظرون السقف ويسمعون أكاذيب ان ان اللي ماتنتهي:

ان ان:أنا بعد الرحله في يشتري أنا مع ساسكي اغراض مال شقه
الكل :شنو بتشترين
ان ان: أنا في يشتري غساله تغسل وتنشف وتنشر تكوي وتحطهم في دولاب مال أنا
الكل:اممممممممممم وبعد
ان ان:وبعد فرن أحط اكل مال انا يطبخ ويحمس ويقلي مره وحده
الكل:يعني شلون
ان ان: يعني هو في يعرف انا اش يبقى
الكل :اممممممممم
الكل:وبعد
ان ان:"سرير في يلحف أنا ويحط مخده لي وفي منبه واذا قمت من النوم يسوي لي تدليك بأدين(بعدين) يرتب سرير
...............................

قعدهم جيرايا في النوم الظهر :ياعيال مشينا بنروح المطعم

قاموا من النوم وراحوا المطعم
وداهم جيرايا مطعم شعبي وهو اللي بيدفع الفلوس(مايقصر)
في غرفة الطعام
جلسوا على الأرض(لأنه مطعم شعبي)
جيرايا:تدللوا ياعيال خذوا المنيو(قائمة الطعام)
فتحوا قائمة الطعام
شافوا المبيعات:مفلق –مندي- بخاري- كبسة دجاج- كبسة لحم-رزحساوي-رز برياني

الكل:نبي مندي
ان ان:أبي اسكريم
تن تن: أنا مشتهيه أكل صيني
الكل ضحك عليهم.......

هههههههههههههههههههههههههههههههههههههههه مرة اضحك واحد

مشكورة لردودك ان شاء الله اكملها

هههههههههههههههههههههههههههههههههههههههههههههههههههههههههههههههه Laughs passed Hahahahahahah

يضحك مررة ههههههههههههه

انتم مخادعين انا ماني موهوبة في انجليزي!!!! انا خذيت من ترجمة خخخخخخخخخخخخخخخ يا ويلي منكم يمااااا

المهم شكرا قصة عن انمي مضحكة 2 642377

هههههههههههههههههههه

تسلمي على المرور

ههههههههههههههههههه قصة روعة

تسلمي على الرد

هههههههههههههههههههههههه

يسلمو عل المرور

فديت ها الضحكــ ة

اريقاتو سنباي انت الاروع انجليك

يسلمو عل المرور

العفو

» قصة عن انمي مضحكة
» صور انمي دموي رعب
» صور انمي متحركه
» صور انمي روووووووعة
» صور انمي ايس كريم